GianClaudio Lanini
L’è bel ritrovas artisc’ta, e mi incöö a vöri presentaven vün molto bravo e molto sc’pecial : el Gianclaudio Lanini.L’è resident a Quartin, 69 ànn compìd al 28 d’april e l’è un vero fenomeno del penel, che u dropa con vera maesc’trìa. Già ai tempi quando l’era aprendisc’ta l’era obligàat a fàadisegn con detagli i miniatüra in quanto l’è da formazion disegnatòor da cement armàat.
Nel 2005, fasendo part “dell’Associazione Ristoratori e Albergatori del Gambarogno”, quale persona incaricada di publich relazion, l’era sc’taia lanciada  una raccolta fondi a favòor divittim del “Sunami”in indonesia, creando cartolin pitüràad da artisc’ti, ma anca da gent che con l’arte dela pitüra i ghera naota a che fàa. I cartolin iera pöö sc’tai esc’posct sul bancond’un bàar visin a un salvadanèe in ceramica fai a forma da ciünin.Chi che pöö i meteva denta almeno dées franch i podeva töö sü una cartolina a libera scelta.
L’è chi che el Gianclaudio la cognosüüd una pittrice da Magadin, la Doris Morotti, che l’eva apena fai una esc’posizion da quadri in un risc’torand da Gordola. Incoriosìid u gadomandàad se la vöreva partecipàa anca lée a fàa una quai cartolina.L’è in chel moment li che a ghé saltàad föra el nom d’un artisc’ta pitòor da Gordola, tale Fausto Corda, che u ghera una sc’cola tüta soa con diversi allievi … e che l’era un maesc’trogià pitosc’t cognosüüd. E l’è li che i düü i sé incontràad. A dìi el vero i sa cognoseva già ma i sera mai incontràad.E l’è insci che l’è incominciada l’aventüra. Ogni giovedì per un para d’òor el Gianclaudio la frequentàad la sc’cola del Fausto.Ié sc’tai da sicüür di moment fantasc’tich per tüc’ … tanti insegnament e tanto lavòor … con el maesc’tro che u ghera i so modi particolàar da fàa e da dìi … con parol che amò al dìd’incöö ié resc’tàad nela ment di so allievi :“toca  pü … toca  pü…!”       Opüür :   “dagh … dagh amò sü  colòor !”L’an pasàad, pürtrop, el bravo maesc’tro Fausto Corda l’è mancàad improvisament e i sò allievi il rimpiang’ amò al dì d’incöö … e da sicüür il rimpiangerà per sempro !
Ades el Gianclaudio u lavora per cünt sò … in cà … tüc’ i dì … una mezoreta ala matina e un po’ ala sira …U ga un gener da pitüra che u ga da mia sc’pazi a “l’astrattismo” e u resc’ta fedelisim ala pitüra tradizional imparada apunto dal Fausto Corda. I so quadri i riflet la tanta sensibiltà datüt chel che i sò öc’ ià memorizàat fin da quando l’era un bagai.L’è pitosc’t meticolòos e precìis … e l’è sempro in gìir a cercàa i nosc’t paesag’ nosc’tran risc’petando in particolàar la ntüra che ma circonda.
Per chi che normalment i guarda chel che a ghé in Internet a va segnali el sito indoa a podìi trovàa tantisima roba del nosc’t bravo artisc’ta :a dovìi semplicemente digitàa : www.runticino-artelanini.org

Oswaldo CodigaGordola – Intragna, 28 aprile 2016